Psa 87 | KYG | STEP | Goti'a taoni'amo aote'mo hu male'niya avele'ale avele'ale'mo faino ate'niye.

Psalms 87

Saiyoni taonimo hane'niya kavafe'mo ava gemae

1 Goti'a taoni'amo aote'mo hu male'niya avele'ale avele'ale'mo faino ate'niye. 2 Ala kava ne'mo'a Yekopu aginago vaya'amogimo no'apifi no'apifi'mo apaote apaote hu'a mai'naya vaya'aife'mo hau ayamopafi'mo hau'niya'monanafa Saiyoni mono no yafa lafi kegiyafi'mo magokepi lokae'a mai'naya vaya'aife'mo mago'e huno hau ayamopafi'mo hau'niye. 3 Goti'a agai'a taonifati'mo ha le konali ya'amo mago vaya'mo alino apave li'nige'a agete'apae'mo ava gemo nehae.

4 Nagaemo, Isipi kotega mai'naya vaya'e Mamiloni kotega mai'naya vaya'mogi'e'mo nage'a aeto hu'nae, hu'na huguve. Afiyo, Filisitiya vayanagi Taiya vayanagi Itiyopiya vayanagi huno Goti'a taoni'afi'mo apavaleno apatesige'a vaya'amo maigae.

5 Apakaemo, ani vaya'e ani vaya'e'mo Goti'a taoni'afi'mo apavaleno apate'niye, hu'a hugae. Anaga hogote vekamo'mo agai'amo ani taonimo alino lokiya vaino atesigeno afa'a hanege hanege huno hanegaiye. 6 Ala kava ne'mo'a agai'a taonifi'mo apavaleno apate'niya vaya'ai apaki'apimo mukufi'mo avo'mo kae malegaiye.

7 Yokemo hu'naya vaya'mogimo, muki ya'amo aepa vekamo mai'nanagetae'mo kagaetegatike'mo muki ya'amo ne'alune, hu'a yokemo nehae.